سوق الـ IPOs في المنطقة سنة عاجبني بصراحة
سوق الـ IPOs في المنطقة سنة عاجبني بصراحة. السعودية لسه هي الأقوى بفارق كبير.
سوق الـ IPOs في المنطقة سنة عاجبني بصراحة.
السعودية لسه هي الأقوى بفارق كبير. Dar Al Balad طلعت في مايو وقفلت أول يوم بزيادة 28% والاكتتاب كان مغطى 66 ضعف، وده أول listing في الخليج بعد الحرب. ودلوقتي فيه طابور وراها: Ninja بتجهز لطرح بمليار دولار، وشركات تانية زي Alkhorayef وEjada وArcelorMittal Tubular بتاخد استعداداتها.
مصر برضه راجعة واحدة واحدة. Korra Energi قفلت أول يوم بزيادة 19.5% وده تاني اكتتاب في البورصة المصرية السنة دي. وبنك القاهرة ماشي في الطريق وفيه اهتمام حقيقي من مستثمرين في لندن ونيويورك والخليج.
الإمارات لسه في وضع الانتظار. EGA اللي كان المفروض يطرح بعشر لخمستاشر مليار دولار اتأجل لسنة جاية، و التركيز دلوقتي بقى على النص التاني من السنة...
اللي شدني أكتر إن المغرب طلع من تحت الرادار وبقى أنجح سوق exits في المنطقة، البورصة بتاعته وصلت لأكتر من 106 مليار دولار market cap، وCashPlus اتغطت 65 مرة.
المهم إن السيولة المحلية هي اللي بتحمي السوق دلوقتي، مش رأس المال الأجنبي. والشركات القوية بتفضل تطرح قريب من بيتها بدل ما تعدي على نيويورك أو لندن، خصوصا بعد تجربة Swvl.
المنطقة فعلا لسه فيها فرص حقيقية، بس الانتقائية بقت أساس اللعبة.
نُشر في
ثمانية عشر عامًا في إدارة الاستثمار والاندماج والاستحواذ والتكنولوجيا المالية. حاصل على شهادة CFA، ويقود التحليل الاستثماري والتقييم وهيكلة الصناديق في ممارسات سيجنيفيكا الاستشارية والاستثمارية، ويدرّس التقييم وهياكل الصناديق في منهج CVC Builder. يشغل بالتوازي منصب رئيس الاندماج والاستحواذ والنمو في AlternativeSoft بلندن، وشارك في تأسيس MarkeScope التي طورت أول أداة لفرز الأسهم تدمج مقاييس المخاطر. أمين صندوق CFA Society Egypt، وبكالوريوس الهندسة الكهربائية والإلكترونيات والاتصالات من جامعة القاهرة.